نسلق المكرونة ونضعها على جنب نحضر طاسه بها معلقه سمنه وننزل باللحمة فيها

ونتركها تنزل ميتها ونضع عليها ملح وفلفل اسمر ونقلبها حتى يتفير لونها..

ونضع عليها نص كوب ماء ونتركها قليلا ثم نضع عليها الصلصه ونتركها تتسبك فى الصلصه حتى تنضج

البشاميل نضع تلات معالق زبدة حتى تسيح وتلات معالق دقيق ونقلبيهم معها ثم ننزل باللبن عليها ونقلب عشان متكلكعش منك افضلى قلبى حتى يتقل الخليط

وحطى مرقة دجاج ورشة فلفل اسمر ورشه ملح بسيطة خالص لان المرقه بتحدق...وانزلى اخر حاجة بالكريمة اللبانى

هاتى طبق وحطى فيه المكرونة وحطى عليها اربع معاللق من البشاميل وقلبيه فيها كويس..

بعد كدا هاتى صنيه وحطى فيها نص كمية المكرونة ثم الللحمة المفرومة..وبعد كدا باقى المكرونة وانزلى عليها بالباشميل كله وحطى معلقه قشطة على الوجة

دخليه الفرن على درجة حرارة ١٨٠ لمدة نص ساعه وتابعيها كل فترة اما تستوى افتحى الشواية لمدة خمس دقايق تاخد وش بس واقفلى عليها وبالف هنا

ونضع البصل والتوم على اللحمة

معلش كنت نسيت البصل والتوم بيتحطوا على اللحمة وهى بتتعصج بعد الفلفل الاسمر والملح