اولا نحكموا مقلة ونحطواوفيها الزبدة ذوب ونفرغوا عليها التليتلي نحمصوه حتى ياخذ اللون الذهبي ونحيوه من فوڨ النار ونفرغوا عليه كاس ماء بارد وشوية ملح ونخليوه يشرب

وفي كوكوط نحطوا البصلة والثوم الي كنا رحيناهم وتوابل المذكورة والحمص والجاج ونخليوها تتقلى مليح ومنبعد نمرقوا ونخليوها تغلي ونسكروا عليها طيب

وبعدما يكون تليتلي شرب نفرغوه في كسكاس ونحطوه يفور وكلما يفور نسقسوه بالما حتى يطيب

وبعدما طيب المرقة نحيوا الجاج ونخليوه يبرد شوية ونفتوه

وبعدما يجمر ويشرب المرقة نقدموه