نغسل الطعام و نصفيه و نخليه ينشف امبعد نفتحو بشوية زيت الزيتون و نفورو المرة الاولى

كي يفور نخيه نضيفلو الملح و نرشو بالماء حتى يتشرب مليح و نخليه ينشف مرة اخرى

في نفس الوقت نحط الفول و الجلبانة فالكسكاس و نغطيهم بكيس بلاستيكي و نزيد غطا باه يفورو مليح كي يطيبو نحيهم و نضيفلهم القليل من الملح

نزيد نفور الطعام للمرة الثانية كي يفور نحيه و نضيفلو الفول و الجلبانة و ندهنو بالزبدة و زيت الزيتون و نقدمو مع الرايب ولا اللبن.