في طبق عميق نضيف (كوب ونص حليب دافي) وعليه (الخميرة والسكر) ونقلب كويس ونسيب الخميرة تتفاعل ١٠ دقايق..

بعد تفاعل الخميرة نضيف (الملح) وبعدين (البيكنج بودر) و (الزبادي)...

نقلب كل ده مع بعض كويس..

نضيف (الدقيق) علي ٣ مراحل ونقلب..

نضيف تاني دقيق ونقلب.. ٢

اخر مرة..

نضيف اخر حاجة (الزيت) وده اللي هيلم العجين
وضروري جدا نضيفه علي مراحل كل مرة لحد ما يتشرب العجين ونضيف تاني وهكذا..

...

..

..

ونعجنها لحد ما نوصل لقوام طري وبيلزق بسيط.. ونسيبها تخمر نص ساعة..

في الكبة هضيف (البصل والفلفل والفلفل الاحمر والتوابل).. وبعدين اضيفهم علي اللحمة واقلب كويس وكدا جاهز للحشو..

علي سطح مدهون زيت هفرد كرات العجين
هيطلعوا حوالي ٨ قطع وسط..
ونبدأ نحط اللحمة ف نص العجين بس

نضيف موزاريلا.. و(لية مبشورة) إختياري بس بتخلي الطعم تحفة.. واي اضافات تحبوها

نقفل الجنبين ونضغط الاطراف كويس..
وبعدين ندهن الوش سمنة بلدي
ونضيف حبة البركة او جبن او خضار او سادة

وهنسويه في صينية مدهونة زيت..
فرن ساخن مسبقا
وهنبدأ التسوية بالشواية
هنسويه من فوق الاول هياخد حوالي من ٢ : ٣ دقايق
وبعدين نطفي ونفتح الفرن تحت حرارة ١٨٠ رف أوسط
هيستوي من ١٠ : ١٥ دقيقة لما تلاقوه اخد لون حلو من تحت وكدا يبقي جاهز للأكل ❤️

طعمه خطييير حقيقي جربوه ❤️❤️