أول خطوة التمليح..
كل قرص جبنة بنملحه بكمية منيحة من الملح عالوجهين وبنصفهم بصينية غميقة
وبنتركهم لتلات أيام لتنزل كل الماء منهم..

اليوم التالت رح نحضر لغلي الجبنة
🌿 بنحضر المستكة والمحلب وبنطحنهم بمطحنة الحبوب وبننزل فيهم بربطة قماش صغيرة وبنغلقها باحكام..

بننزل بربطة المستكة والمحلب بالماء وبنغليهم على الغاز

أول ما تغلي الماء بنضيف قطع الجبنة

لما تغلي الماء والجبنة بنحسبلهم ٥ ل ٧ دقائق

ملاحظة مهمة بنغطي الجبنة بقطعة قماش خفيفة وبنتركها بمكان جاف وممنوع توصل للقطع اي ماء مشان ما تتعفن القطع..

مرطبان التخزين يكون جاف تماما ومعقم وزجاج افضل ان وجد..

مية الجبنة الي غليناها بعد ما تبرد بنصفيها مشان نضيفها فوق الجبنة بالمرطبان.. وممنوع يوصل الها اي ماء من برا.. وتكون ايدينا جافة تماما لما نخزن الجبنة