نبدا بسم الله ونجيب ريسبسيون نحط فيه 2بيض مع رشة ملح و12 م ك سكر ونخلط مليح حتى يبياض الخليط ثم نضيف 12 م ك زيت ونخلط مليح

نضيف 12 م ك حليب ونخلط مليح ثم نضيف 2 م ك كاكاو بني وم ك نسكافي ونخلط الكل مليح ثم نحط 12 م ك فرينة وكيس خميرة الحلوى ونخلط مليح

نجيب سينة فرن ندهنها بالزبدة ونرشها بالفرينة ونفرغ الخليط تاعي ثم نحط كمية من شكولا فارميسال ونشعل الفرن يسخن وندخل الكيكة تطيب من تحت ثم نشعل من فوق ونطفي النار و نخليها تبرد تماما

ثم نجيب كريمة الشكولا وندهن الكيكة ثم نجيب شكولا طلي نحط عليها كمية من الزيت وندهن الكيكة تاعي ثم نرش عليها شكولا فارميسال

ندخلها الثلاجة تتماسك ثم نقطعها الى مربعات ونقدمها مع فطور الصباح او قهوة العصر