في كاسرونة نحط السكر و العسل و الزيت و البيكاربونات على النار و نبقاو نخلطو حتى يغلي و يدير الرغوة نفرغو في طبسي غامق يولي يبان شغل فسد مي ماتخافوهش عادي

كي يبرد الخليط على الاقل يولي دافي نحط البيض نضرب مليح امبعد نضيف الفرينة و الخميرة حتى تتشكل عجينة طرية مي ماتلصقش فاليد ومانشفوهاش بزاف بالفرينة باه الكروكي مايجيش يابس

نشكلو حرابش طوال و رقاق مانخشنوهمش باسكو العجينة فيها العسل تطيب تمتم لوكان تخشنو الحربوش تتحرق من برا و ماتطيبش مالداخل ندخلوها للفرن لازم نعسوه لانو كيما قلت يطيب تمتم مالتحت امبعد نهبطو السنيوة للتحت و نشعلو مالفوق

كي يطيب نقطعو طروفا و نخلوهم على جيهة و ندهنو المروكي بالمعجون و هو سخون امبعد نسكرفجو هادوك الطروفا ولا نرحوهم و نزينو بيهم مالفوق كي يبرد مليح نقطعوه.