نبدأ بسم الله ونجيب نصف صدر دجاج نقطعو شرائح طوليا ثم نقطع حبات الكوسا الى دوائر والبطاطا شكل الفريت

نرجع نتبل الدجاج تاعي نحط عليه ملح وفلفل اسود وزنجبيل وتابل شاورما وكركم وم ك خل وم ك زيت ونخلط كلشي مليح ثم نخليه نصف ساعة ونرجع نقلي البطاطا تاعي

ثم في مقلاة اخرى نحط 2م ك زيت ونحط الدجاج تاعي يطيب ونبقا نقلب فيه من كل الجوانب حتى يتحمر ثم نضيف عليه حبة طماطم مقطعة رقيقة

نخلي الطماطم تطيب اي تستوي مليح ثم نجيب مول يدخل الفرن نحط طبقة اولى البطاطا ثم جبن طري ثم طبقة الكوسا ثم نفرغ كمية الدجاج على الكوسا

نحط كمية مليحة من الجبن المبشور ثم نشعل الفرن يسخن وندخل المول يطيب ونخليه يتحمر من فوق حتى يذوب الجبن

فالاخير شكل الڨراتان تاعي قدمتو مع حميص مشوي وكسرة خميرة