نبدأ بسم الله ونجيب طنجرة نحط فيها افخاذ الدجاج ونضيف عليهم حبو بصل مرحية مع سنات ثوم ونضيف الملح والتوابل المذكورة فالمقادير ونحطها على النار نقليها ا مليح ثم نضيف الزيتون الاخضر ونواصل نقلب ثم نحط حبة جزر نقطعها دوائر ونضيف حبة الطماطم بعد مارحيتها

نقلي الكل مليح ثم نمرق بالماء ونخلي كلش يطيب بعد مرور حوالى ساعة الاربع نفتح الطنجرة ونخرج الدجاج تاعي ونحطو يفكر في كسكاس

نخلي المرق تاعي والزيتون يواصلو طياب حتى يثقال المرق ويطيب الزيتون مليح بعد ذلك نجيب مقلاة نحط فيها كمية من الزيت وندهن الدجاج بالزبدة ونحط الملح يتقلى

نحمر الدجاج تاعي من كل الجوانب ونحطو في كسكاس بعد ذلك نجيب صحن التقديم ونحط مرقة الزيتون مع الجزر ونحط الدجاج فالجوانب

الشكل النهائي لطبق تاعي جاء بزاف بنين زينتو بمعدنوس مقطع