في اناء نحط الحليب و السكر و خميرة الخبز و كأس سميد رطب و نخلطهم مع بعض بالفوي و نزيد نصف كأس زيت زيتون و ملعقة صغيرة ملح و حبة بيض و نزيد نخلط بالفوي بعدها نزيد نصف كأس سميد رطب و الفرينة و كيس خميرة كيميائية و ندلك العجينة شوية و نلمها و نغطيها و نخليها تخمر

بعدما تخمر العجينة نقسمها على زوج و نديهم صينية الفرن و نحط العجينة الأولى و نفتحها و نثقبها بالفرشيطة ثم ندهنها بشوية زيت زيتون و نزيد صلصة الطماطم و نسويها على كامل الوجه و نزيد الزيتون الأسود و الأخضر مقطعين و التونة و الفلفل و الطماطم شرائح (الاضافات حسب الرغبة) و ندخلها طيب في فرن مسخن من قبل كي طيب من تحت نشعللها من فوق

كي طيب نديرلها المعدنوس و المايوناز و نقطعها و نقدمها