رڨاق الشخشوخة
إحدى المأكولات تقليدية
إفتح في تطبيق كوكبادالخطوات
- 1
في اناء واسع(قصعة) نخلط الخل مع السميد ثم نجمع بالماء الدافئ
- 2
ندلك جيدا ونعجنه بدون اضافة الماء كثيرا نبل يدينا فقط ونعجن
- 3
نغطيه جيدا ونخليه يرتاح ساعتين
- 4
ثم نعاود ندلكو مليح ونجيب صينية مدهونة بالزيت و نشكل قرصات صغار وندهنهم بالزيت ونغطيهم مليح ونخليهم يرتاحوا نصف ساعة
- 5
كي يرتاحوا نسخن الطاوة /مقلاة كبيرة ماتلصقش (الطاجين)
- 6
بالإستعانة بالزيت نبدا نقرص و نرققها بزااااف حتى تولي ترونسبارو ونحطها على طاوة ونقص نار تطيب من جهة ثواني فقط ونقلب الجهة الثانية ونوقفها ثاني باه يطيبو الحواشي
- 7
كي نكمل نطيب نغطيهم ملييح بسارفيات باه ماتيبيش
- 8
نحي الحواشي نديرو بيهم رفيس أفضل من رميهم الطريقة كتبتها من قبل
- 9
ونقطع الرڨاق عند التقديم لقطع متوسطة.
- 10
وبالنسبة لاصوص : فخذ دجاج او قطع دجاج حسب الافراد....، حبة بصل متوسط، حبة بطاطا متوسطة، كابويا، حبتين جزر، فنجان حمص، ورقة رند، توابل،فلفل، حبة طماطم، وطوماط كونسونتري.
- 11
نبدا نقلي الحمص واللحم والخضر، نزيد عليهم توابل وطماطم حب، نمرقهم و نزيد تومات كونسونتري ونزيد فلفل ونخليهم يطيبو مليح ونزيدلهم سكر حسب الشخص اذا يحبها حلوة او لا....
- 12
ثم عندما ينضج اللحم نخرجو نحمرو، ونزين بالبيض ونقدر نزيد مام زبيب للتزيين.
جرّبت هذه الوصفة؟ شارك كوكسناب!
دع الطبّاخ Safo يرى نتيجة تجربتك لوصفته.
لا شيء يعبّر عن الشكر لصاحب الوصفة أكثر من صورة تجربتك!
جرّب أحد الطبّاخين وصفتك وأرسل لك صورة الطبق كوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات