نبدأ بسم الله ونجيب 2 علب بسكويت سادة وصحن نحط فيه كاس حليب ونجيب المول الاسطوري نفرشو بورق الطبخ ونبدا نغطس الحبات بالحليب ونستف 2 طبقات فوق بعض نجيب الكريمة نحط طبقة من فوق نحلها مليح (مقادير الكريمة موجودة فالتحليات السابقة) ثم نرجع نحط طبقة أخرى من البسكويت بنفس الطريقة ونحط الطبقة الاخير. من الكريمة

نحط المول في الثلاجة حتى تتماسك الطبقة جيداً ثم نحضر سوبر كريم في كسرونة نحط نصف كاس ماء مع كيس فلان ذوق فانيلا مع ما ك سكر ونخلط جيداً على النار كي تغلي نطفي النار وندفيها قليلا ونفرغها فوق الكريمة نخلي سوبر كريم تجمد

نرجع نقطع بسكين ساخن الحبات طوليا ثم نحط باقي الكريمة في كيس حلواني ونعمل وردات كما في الصورة ثم نزينها بشرائح رقيقة من البرتقال