نبدأ بسم الله ونجيب 160غ جلجلان (سمسم) ابيض نحطو يتحمص في مقلاة ثم نفرغو في رسبسيون ونضيف عليه 160غ فرينة نخلط جيداً ونحط ما ك ونصف زيت وم ك ونصف زبدة ذائبة ونبسس مليح

نضيف صفار بيضة ورشة ملح وم ك خل ونخلط جيداً ونبدا نلم فيها بماء وماء زهر حتى نتحصل على عجينة طرية نوعا ما

نرش سطح العمل بالفرينة ونحل العجينة بطابع دائري ونشكلها كما في الصورة تغلقها جيداً حتى لا تفتح في الزيت حتى نكمل كامل العجينة

نجيب كسرونة نحط فيها كمية مليحة من الزيت نحطها على النار كي تغلي نحط الحبات حتى يتحمرو ومباشرة في كسرونة فيها كمية من العسل

فالاخير نحط بليغات الجلجلان في كسكاس ونخليها تقطر ونرش عليها كمية من الجلجلان الابيض