نبدا بسم الله ونجيب ريسبيون نحط فيها 2علب ياغورت ذوق شوكولاتة كاراميل وبنفس العلبة نضيف 2علب كرام شانتي بودرة

نضيف علبة حليب بارد وعلبة صغيرة جبن طازج مع 3حبات جبن وتخفق الكل بالخلاط الكهربائي

بعد ماثقالت الكريمة نحطها فالثلاجة ونحضر علبة اصابع البودوار ثم نجيب لوحة تقطيع وصحن نكون حطيت فيها قهوة باردة نغطس حبات البودوار

نستف الحبات فوق لوح التقطيع ونجيب اي مول ثم نقطع الحبات على 3

نستف قطع البودوار فالمول كما فالصورة ثم نحط كمية من الكريمة في كيس حلواني ونحطها فوق البودوار ثم نقطع شرائح من الموز ونحطها من فوق

نضيف فالاخير كمية من الكريمة ونغطس حبات البودوار فالقهوة ونحطها مباشرة فوق الكريمة ثم نرش عليهم كاكاو بودرة

فالاخير ندخل التحلية الثلاجة حتى تبرد جيدا وتقدم باردة

شكل التحلية تاعي بعد ماقطعتها جات بزاف لذيذة