نحضر كل المكونات ونبدأ بإسم الله، نحط الماء والسكر في كاسرونة نخليه يغلي غلية وحدة ويذوب السكر تماما في هاذ الوقت نغسل اللوز جيدا ونخليه يستقطر.
ملاحظة: ✔الكاس اللي عبّرت بيه هو الكوب المعياري.

كي يغلى المزيج نضيف اللوز مع التحريك المستمر على نار تحت المتوسط، ثم نضيف رشة الملح لتعديل الذوق.

نحرك حتى ينشف الماء تماما ويصبح اللوز مرمل وناشف من السوائل نخليه فوق النار مع التحريك المستمر حتى يعاود يذوب السكر ويولي كراميل (هاذ المرحلة تبغي شوية صبر) كما هو موضح في الصور.

نطفي عليه ونفرغو فوق صينية مدهونة دهنة خفيفة بالزيت ونخليه يبرد تماما، مين يكون سخون نحرص على إبعاد حبات اللوز عن بعضها.

من جهة أخرى نذوب الشوكولا (استعملت بالحليب يمكن إستعمال بذوق البندق) ونرجّع اللوز للإناء ونبدأ نضيف الشوكولا بالتدريج على 3 دفعات.

في كل مرة نحرك مليح باش حبات اللوز تتلبس جيدا بالشوكولا، كنت 👈🏻حطيت تقريبا نفس الطريقة يمكن تفقد الوصفة من خلال هذا الرابط👇🏻

نفرش ورق الزبدة ندردر عليه شوية كاكاو بني مر ونفرغ حبات اللوز ونعاود نزيد ندردر الكاكاو فوق حبات اللوز.

نحرك مليح باش يتغطى كل حبات اللوز ومن بعد نغربل الفائض من الكاكاو.

ويقدّم بألف صحة وهنا 👌🏻🍫👌🏻

حبات اللوز تجي محمصة ومقرمشة مغطاة بطبقة خفيفة من الكراميل الهش والشوكولاتة الناعمة تناغم رائع 👌🏻وبزاف بنين 😋👌🏻وشهية طيبة للجميع🥰🌷💐🥰