بسم الله الرحمن الرحيم نبدأ على بركة الله اولا نحضر المكونات انا البيض استعملت 6 حبات أربعة كاملة و2 فضلا الصفار عن البياض لانه البيض عندي بزاف واذا كان صغير نستعمل 5 حبات كاملة

أولا نضع الزبدة والسكر والعسل وحلوة الترك ونخلط جيدا حتى يصبح الخليط كريمي ، نضع البياض فيه قطرات عطر الكراميل وفانيلا ونخلطه ونتركه على جهة

نضيف البيض والفانيلا وعطر الكراميل ونخلط مليح نضيف الزيت على دفعات ونخلط حتى يتجانس جيدا

نضيف الجلجلان والكاوكاو ونخلطهم

نضيف المايزينا والخمارة ونخلطهم ونبدأ نضيف الفرينة حتى تتلم العجينة وتصبح طرية

نحضر لي كيسات الورقية في صينية الفرن ونبدأ نشكل كويرات صغيرة بوزن 25 غ وترددها في بياض البيض ثم الكاوكاو الغير ناضج و مهرمش

ترددهم ونوضعهم في لي كيسات

نرشق كل حبة نشا بالكاوكاو الحبة كاملة وطايبة كما هو موضح

ندخلها الفرن مسخن مسبقا و نخليها حتى الطيب

بعدما نخرجها مباشرة تفرغ عليها قياس ملعقة كبيرة عسل في الحبة ونقدر ونزيد نصف ملعقة اذا تشرب بسرعة

كل مانخرج الصينية من الفرن نسقي الحبات مباشرة ونتركها حتى تبرد جيدا

تقدم في الأعياد والافراح والمناسبات ربي يدوم علينا وعليكم كل فرح.

تقدم بألف صحة وعافية شهية طيبة وصح عيدكم كل عام وانتم بألف خير ان شاء الله 🤲🤲