نحضّر كل المكونات ونبدأ على بركة الله، أولا ندهن القالب بمادة دهنية (نفضل السمن عن تجربة) ونغبرو بالفرينة كتحضير أولي ونخليه بجيه، في إناء نحط السكر مع البيض ورشة ملح وعطر الفاني ونضرب مليح بالباتور حتى تمتزج كل المكونات.

ملاحظة مهمة: ✔ الكاس اللي استعملتو سعته 200 ملل.

نضيف بالتدريج الزيت مع الخفق المستمر ثم نضيف علبة الياغورت بذوق الفراولة مع الخفق دائما.

ثم نضيف الحليب الدافئ مع الخفق المستمر وفي الأخير نضيف ربع ملعقة صغيرة من مركز عطر الفراولة.

نخفق الكل جيدا، ثم نضيف خمارة الحلويات مع الفرينة (نغربلهم بطبيعة الحال) ونخلط بالسباتول حتى يصبح الخليط منسجم.

ونتحصل على القوام المطلوب، نكتب رقم 8 يبقى شوية عاد يختفي، نفرغ الخليط في القالب نعلي يدي شوية باش الكيك يجي مهوّي.
ملاحظة مهمة: ✔الفرينة 2 كيسان ونص ممكن أكثر او أقل على حسب درجة امتصاص الفرينة لسوائل وتاني على حساب حجم البيض اللي نستعملوه.

نخبط المول فوق سطح العمل لكي يستوي سطح الكيك، ندخل القالب للفرن المسخن مسبقا 10 دقيقة الأولى على نار مرتفعة ومن بعد نقص نار أقل من المتوسط ونخليه يطيب على خاطرو إجمالي الطهي حوالي 30 دقيقة، كي يطيب نخليها تهدى شوية ونقلبها على مشبك، الكيك يجي رطب وهش.

في هاذ الوقت نحضر الكريمة في كاسرونة نفرغ كاس حليب مع المايزينة والسكر خلطت الكل بارد في بارد.

حطيت الكاسرونة فوق النار مع التحريك المستمر حتى بدات تغلي ودير فقاعات وثقالت شوية طفيت عليها وضفت قطرات من مركز عطر الفراولة مع ملعقة صغيرة زبدة وخلطت الكل جيدا، وهي عاد سخونة فرغتها فوق الكيك.

هزيتها شوية باش يستوي السطح، حتى بردت الكريمة وضفت من فوق فوراج بذوق الفراولة.

سرحتو مليح فوق الكريمة وقدّمتها بألف صحة وهنا 😋🍓😋

تجي خفيفة وبزاف بنينة😋 كي القطن 👌🏻 فيها ذوق الباتيسري وشهية طيبة للجميع🥰.