بسم الله نبداو نكيلو الدقيق يعني سميد 3 بولات مع كاس زيت مع الملح والخميرة والسكر والسينوج والجلجلانية وبياض البيض وملاحظة لازم نضيفو الماء الدافي على الزيت مباشرة يعني بدون ما نبسسو الدقيق والزيت وحدهم

ونغطي عليها ونخليها تخمر بعد نصف ساعة نرجع ليه نبدا نعجن نعجن حتى يبدا يبياض الخبز ويطرطق نبدا نسقسي بعدما نكون درت في كصرونة كاس حليب وربع كاس ماء الزهر وملعقة كبيرة مرغرين حتى يسخنو ونجيب نسقي بيهم كامل نكملهم ونزيد كيس خميرة ونبدا نعجن ونسقي راح تبانلكم جراتلكم العجينة ابقاو تعجنو وتخبطو بعدها ادهنو يديكم بزيت واقسمو العجين على 3 قرصات ادهنو لي بلاطو بزيت وقرصوهم في 3 وادهنوهم بصفار البيض مع ماء الزهر زينوه بطوابع وفرشيطة وديرولو السينوج والجلجلانية بعدها نخلوه يطلع ونطيبو من الاسفل واعلى