نبدا بسم الله ونجيب مخ خروف نقيه جيدا ثم نحط في كسرونة كمية من الماء يغلي ثم نضيف المخ ونخليه مدة 5د فقط يتماسك ثم نخرجو ونحطو فوق لوح تقطيع ونقطعو قطع صغيرة

نحط المخ في صحن ونخليه لحين تحضير الصلصلة

نجيب مقلاة نحط فيها م ك زيت ونضيف م ك طماطم مصبرة وحبة طماطم مرحية ونضيف ملح وفلفل أسود وبابريكا حلوة وتوابل ثوم مرحي ونخليها تغلي جيدا ثم نضيف كاس ماء ونخليها تطيب جيدا ثم نضيف المخ

نخلي المخ يتشرب الصلصلة ونضيف عليه 2 حبات بيض و معدنوس مقطع رقيق ونطفي ونخلي البيض ينضج

فالاخير نقدم شطيطحة مخ في صحن التقديم ونزينها بقدونس مقطع