نبدا بسم الله ونجيب ريسبيون نحط فيه 4كاس طحين (500غ)ونحط فالوسط م ك سكر وم ك خميرة الخبز ونخلط ثم نضيف بياض بيضة ونصف كاس زيت ونخلط جيدا

نبدا نضيف في الحليب الدافي تدريجيا مع م ص ملح ونخلط

نبقا نضيف في كاس الحليب وباقي الملاعق الحليب ونجمع حتى نتحصل على عجينة طرية نوعا ما

نغطي العجينة بورق شفاف ونخليها تختمر حوالي نصف ساعة ثم نرجع نهبط لها الخمير

نشكل العجينة حربوش ونقسمها إلى 13كرية متساوية وزن كل كرة 75غ نغطيها ونخليها ترتاح

نبسط الكرة الاولى على طاولة العمل ونحلها بالحلال ثم نحط كمية من شوكولاتة الطلي نطليها على كامل العجينة ثم نطوي العجينة على. 2

نجيب جرارة نقطعها بيها العجينة إلى شرائح ثم نحط عمود حديدي ونبدا مشكل الضفيرة ثم ننزع العمود برفق

نكمل كامل العجينة بنفس الطريقة ونجيب ورق طهي ونخليها تختمر مرة أخرى ثم ندهن الحبات بصفار البيض وندخل البريوش في فرن يسخن ثم نطيب البريوش من أسفل ثم نشعل عليه يتحمر من فوق

شكل البريوش بعد ماخرجتو من الفرن

في الاخير. نقدم البريوش في صحن التقديم مع فطور الصباح او قهوة العصر