نوجد مكونات العجينة ونبدأ بإسم الله، في إناء حطيت الماء دافئ مع خميرة الخبز والسكر مع 1 ملعقة كبيرة فرينة وخلطتهم بالفوي جيداً حتى نساجمت كل المكونات. غطيتهم وخليتهم يتفاعلو مدة من 5 دقائق إلى 10 دقائق.
ملاحظة مهمة: ✔الكاس اللي عبّرت بيه سعته 200 ملل.

كي تفاعلت ودارت فقاعات ضفت السميد الرطب وكاس ونص فرينة والملح حسب الذوق خلطت الكل جيدا، من الأحسن نخليها شوية تلصق في اليد باش تجي خفيفة.

في الأخير ضفت زيت الزيتون ولميتها حتى تحصلت على عجينة طرية دهنتها من فوق دهنة خفيفة بالقليل من زيت الزيتون وغطيتها وخليتها تخمر على خاطرها في مكان دافئ.

كي خمرت العجينة وضاعفت ديقازيتها (هبطلت لها لخمور) وقسمتها لزوج قطع متساوية.

حليت لعجينة شوية رقيقة، رفدتها بمساعدة الحلال وحطيتها فوق صينية رشيتها رشة خفيفة بالسميد الرطب وطلعت الحواف غير شوية ودرت ثقوب باستعمال الفرشيطة (الشوكة).

فرغت صلصة الطماطم كانت عندي محضرة مسبقا كنت 👈🏻حطيت الطريقة بالتفصيل من قبل يمكن تفقد الوصفة من خلال هذا الرابط👇🏻 سرحتها مليح على العجينة.

من فوق دردرت باتي الدجاج الحار كنت بشرتو وكإضافة اخيرة دردرت الجبن المبشور النوعية والكمية حسب الذوق والمتوفر، دخلت الصينية للفرن المسخن مسبقا على درجة حرارة متوسطة مدة 25 دقيقة، كي تحمر من تحت نطفي عليها ونشعل عليها من فوق تدي لون ذهبي مدة ما تفوتش 5 دقائق.

وقطعتها بقطاعة البيتزا إلى مربعات، وقدمتها بالف صحة وهنــا 🍕😋🍕

تجي مقرمشة من الخارج وطرية وخفيفة من الداخل والأكيد بزاف بنينة 👌🏻🍕👌🏻 وشهية طيبــــة للجميع 💖