نبدا بسم الله ونجيب نصف حبة بصل كبيرة نسكرفجها هيا وفص الثوم ونحطها في صحن

نجيب صحن آخر نحط فيه 150غ لحم مفروم ثم نحط مقلاة بها زيت عالنار ونضيف عليه البصل المرحي والثوم نقليهم قليلا ثم نضيف اللحم المفروم ونقليه جيدا

نرحي 3حبات طماطم ونحضر التوابل بابريكا وفلفل اسود وتوابل دجاج و زنجبيل وم ص ملح

نقلي اللحم جيدا ثم نضيف عليه التوابل ونبقا نحل فاللحم جيدا

بعد ما قليت اللحم جيدا نضيف عليه الطماطم ونخلي حوالي 10د ثم نضيف م ك طماطم مصبرة ونقلي جيدا ثم نمرق بكمية من الماء ونغطي ونخليه ينضج

نرجع نحط حوالي 250غ معكرونة بيني يمكن استبدالها بأي نوع من المعكرونة او السباغيتي نحط في كسرونة واسعة ماء نضيفلو م ص ملح ونخليه يغلي جيدا ثم نفرغ فيه المعكرونة ونبقا نحرك فيها حتى تنضج ونصفيها في كسكاس

نرجع المرق نعاود نضيفلو كمية أخرى من الماء ونخليه يغلي ونفرغ عليه مباشرة كمية المعكرونة

نبقا نخلط فالمعكرونة حتى تتشرب كامل المرق وتنضج تماما نطفي عليها النار

فالاخير نجيب صحن تقديم ونفرغ فيه كمية من المعكرونة واللحم المفروم وزينتها بجبن مبشور