نبدا بسم الله ونجيب ريسيبسيون ونحضر المكونات تاعي نقوم أولا بفصل الصفار عن البياض ونحط في ريسيبسيون بياض البيض مع رشة ملح ونطلعو بالخلاط الكهربائي ونضيفلو 120غ سكر على 3دفعات مع مواصلة الخفق حتى نتحصل على منقار

نضيف بعد ذلك صفار 4بيض بالواحد ونخلط جيدا ثم نضيف م ك فانيلا

بعد ذلك نجيب 120غ طحين ابيض ونحطها على 3دفعات ونخلط من فوق لتحت حتى تمتزج جيدا نجيب بلاتوه 30/40نفرشو بورق طهي ونفرغ خليط الكيك ونسويه مليح ونسخن الفرن وندخلو يطيب من تحت ثم نشعل عليه يتحمر من فوق ونخرجو

بعد ما تطيب نقلبها على وجها الاخر وندخلها المجمد تبرد او نتركها تبرد في ريسيبسيون اخرى نطلع 2كاس كرام شانتي مع 2كاس ماء بارد وتخفق جيدا حتى نتحصل على كريمة ثقيلة بعد ما بردت الكيكة نشربها بسيرو محضر من قبل نشرب الكيكة جيدا

بعد ما تشربت الكيكة جيدا نفرغ عليها كريمة الشانتي ونسويها جيدا بالسباتلا وندخلها المجمد ثم نجيب اي فواكه متوفرة من موز ومشمش وحب الملوك وكيوي الفواكه اختيارية

نحط الفواكه عشوائي ونعصر عليهم ليمون خصوصا الموز حتى لا يفقد لونه ونرجعها الثلاجة ثم نفرغ عليهم الناباج هو جيل يباع جاهز يستخدم المحافظة على الفواكه ويعطي لمعان من فوق ونخليها تبرد تماما ونقطعها مربعات لسهرة