نبدا بسم الله ونجيب رسبييون نضع فيها 250غ زبدة مع صفار بيضة وحبة بيض كاملة ونصف كاس سكر ناعم و2م ك عسل ونخلط جيدا بالخلاط الكهربائي ثم نضيف كاس الاربع كاوكاو محمص ومرحي ناعم وم ص عطر الموز ونخلط جيدا

نضيف بعد ذلك نصف كاس نشاء ونخلط

نبدا باضافة الطحين تدريجيا مع م ص خميرة الحلويات ونخلط ونبقا نجمع باليد حتى نتحصل على عجينة طرية نوعا ما نغطيها ونخليها ترتاح

نجيب مول سليكون اي شكل يكون فيه ثقبة بهذا الشكل ونحط كمية من العجينة في كل فتحة حتى نكمل كامل العجينة ونشعل الفرن يسخن ندخل السينية الفرن

نخرج المول من الفرن نخليه يبرد ونقلبو في سينية أخرى حتى نكمل كامل السينيات نخلي القاطو يبرد تماما ثم نجيب شكولاتة بذوق البندق نذوبها ونعمر الثقبات الموجودة في كل حبة

نجيب لوز ايفيلي ونزين بيه في وسط الشكولاتة تزيين عشوائي حتى نكمل كامل الحبات

فالاخير نزين بسكر ناعم نرشو فوق حبات الحلوى