نبدا بسم الله ونحضر العجينة نجيب ريسبيون نحط فيه كاس ونصف حليب دافئ ثم م ك سكر نخلطهم ونغطي عليهم ونخليها تختمر مدة 10د

بعد ما اختمرت نضيف 4م ك زيت ونخلط جيدا ثم نبدا نبني بالطحين مع إضافة م ص ملح

نبقا نخلط ونضيف فالطحين الابيض حتى نتحصل على عجينة طرية نخليها تختمر مدة 15د بعد ذلك نضيفلها م ك زبدة وندخلها جيدا فالعجينة

نقسم العجينة إلى كرات متساوية ونخليها على جنب ونرجع نفتح بالكرية نرش طاولة العمل بالطحين ونحل الكرة الاولى كما فالصورة ثم نطوي حتى نشكلها حربوش نغلقو جيدا

نشكل الحربوش جيدا ثم نحط في ورق الطبخ في سينية مطبخ ونكمل كل الكرات بنفس الطريقة ونشكل خط بالسكين فالوسط

ندهن الخبيزات بصفار البيض. ونرش عليها جلجلان (سمسم) ونتركها يتضاعف حجمها ونكون سخن الفرن مسبقا ندخلهم يطيبو من تحت ثم نشعل عليهم من فوق يأخذو اللون الذهبي

الحشو اختياري انا حشيتهم ببطاطا مقلية ولحم دجاج مقلي مع جبن ابيض