شخشوخة الضفر الجزائرية
إفتح في تطبيق كوكبادالخطوات
- 1
بسم الله نجيب طنجرة نحط فيها قطع دجاج ونضيف عليهم بصلة مرحية مع ثوم مرحي وم ص ملح وم ص فلفل اسود وبابريكا حلوة وراسو الحانوت وزيت ونضيف عليهم حمص مشمخ ونحطها على نار هادئة تتقلى جيدا
- 2
بعد ماقليت جيدا نضيف 2م ك طماطم مصبرة ونقلي جيدا ثم نمرق بماء ساخن ونغلق الطنجرة
- 3
من جهة أخرى نجيب حفنة واسعة نحط فيها 500غ شخشوخة يابسة نضيف عليها م ك زيت ونخلطها جيدا ثم نحطها في كسكاس
- 4
نحط الكسكاس فوق القدر الخاص بيه ويكون فيه ماء يغلي ونخلي الشخشوخة تفور فالاول
- 5
نفرغ الشخشوخة في الجفنة ونضيف عليها م ص زبدة ونخلط جيدا ثم نضيف عليها الماء تدريجيا حتى تتشربو ثم نرجعو فالكسكاس مرة أخرى
- 6
بعد مارجعتها فوق القدر نخليها تفور مرة أخرى ثم نفرغها ونعاود نفس العملية بالماء 4مرات
- 7
المرة الاخيرة نرجعها تفور جيدا ثم نحطها فالجفنة ونضيف عليها م ص زبدة ونحلها جيدا يكونو حبات الشخشوخة كبر حجمهم
- 8
نفرغ كمية من الشخشوخة في كسرونة ونحط اللحم في صحن هو والحمص وفلفل حار
- 9
بعد ذلك نجيب ملعقة كبيرة نفرغ بيها المرق عالشخشوخة ونحطها على نار متوسطة تتشرب المرق جيدا مع القليل من الحمص
- 10
نضيف م ص زبدة ونطفي النار عليها لحين التقديم (تقدم ساخنة)
- 11
نجيب صحن التقديم ونفرغ كمية من الشخشوخة فيه ونزينها بالحمص والدجاج وفلفل حار اكلة لذيذة جدا يتم طهيها فالجزائر وخصوصا مدن الشرق الجزائري
النصائح
يمكن قطع شخشوخة الضفر بالسكين أو المقص أو بأظافر اليد، ومنها جاءت تسميتها. كما تباع جاهزة، وهي مشهورة أكثر في المدن الشرقية للجزائر.
جرّبت هذه الوصفة؟ شارك كوكسناب!
دع الطبّاخ Messaadia Loubna يرى نتيجة تجربتك لوصفته.
لا شيء يعبّر عن الشكر لصاحب الوصفة أكثر من صورة تجربتك!
جرّب أحد الطبّاخين وصفتك وأرسل لك صورة الطبق كوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات (5)