نبدأ على بركة الله، في طنجرة الضغط نحط القليل من الزيت مع حبة بصل مقطعة شرائح رقيق وقطعة لحم البقري ملعقة صغيرة سمن والتوابل (الملح، الفلفل الأسود، الكركم، سكين جبير، فلفلة حمرة) ونقلي مليح من كل الجوانب على نار هادئة حتى يتقلى اللحم جيدا نضيف حبة طماطم مرابية أو مطحونة ونقليها حتى هي مليح مع باقي المكونات.

كي يتقلى اللحم جيدا نمرق بالماء غالي ما نديرش بزاف ونغلق على طنجرة الضغ ونخليه يطيب على نار متوسطة.

منين يطيب اللحم نحيه ونحطو في كاسرونة أخرى فيها القليل من المرق باش من بعد نقدر نسخنو، وهديك المرقة اللي تبقى في طنجرة الضغط نزيد عليها الزيتون منزوع النواة ومنزوع الملوحة كنت 👈🏻حطيت الطريقة من قبل يمكن تفقدها من خلال هذا الرابط👇🏻 غلقت على الطنجة ختيتها طيب نص طياب، ثم حليت عليها وضفت البسباس نقيتو وغسلتو وقطعتو بالطول وعاود غلقت علـى الطنجـــرة ونخليها تصفر حتى طيب كل المكونات تتجمر المرقة وتعقد.

وقبل ما نطفي عليها نضيف رشـة خفيفة نتاع سكين جبير نخليها تغلي غلية وحدة ونطفي عليها، هاذيك الإضافة الأخيرة نتاع سكين جبير تزيدلها في البنة.

عند التقديم نسخن قطعة اللحم نحطها في الصحن ونسربي الزيتون مع البسباس، ويقدم الطبق بألف صحة وهنا😘 وشهية طيبة للجميع 🥰🌸🥰