نبدا بسم الله ونجيب رسيبيون واسعة نحط فيها 500غ دقيق (4كأس) ثم نضيف عليه 2م ك كاكاو بني نوعية جيدة مغربل ثم نصف كاس سكر وم ك فانيلا وم ص ملح وم ك خميرة الخبز ثم نضيف حبة بيض ونبدا نضيف فالحليب يكون دافئ و

نبدا نجمع العجينة حتى نكمل مقدار الحليب (كاس ونصف)

نتحصل على عجينة طرية نضيفلها 2م ك زبدة طرية

نعجنها جيدا ثم نضيفلها حوالي 2م ك دقيق ونجمع العجينة ونعجنها حوالي 10د ونغطيها بورق شفاف ونخليها تختمر حتى يتضاعف حجمها

بعد ما اختمرت نحطها فوق سطح العمل ونعجنها ونرش سطح العمل ونحل العجينة رقيقة

بعد ذلك ندهن العجينة ب م ك زبدة طرية على كامل سطح العجينة ثم نحط فوقها خليط من سكر شوكولاتة الطلي وم ك قرفة ونوزعها على كامل العجينة ثم نقطعها إلى شرائح طويلة ونبدا نلف كل حربوش وحدو

حتى نتحصل عليه كما فالصورة حتى نكمل كامل الحبات ونحطها في صينية فرن فوق ورق طهي ونخليهم يختمرو مجددا حتى يتضاعف حجمهم

بعد الاختمار نضيف م ك حليب على كل حبة سينابون ونشعل الفرن يسخن مسبقا وندخل السينابون يطيب حوالي 40د كل شخص ودرجة حرارة الفرن تاعو حتى يتحمرو من تحت ثم نشعل عليه يتحمر من فوق جيدا ثم نخرجو ونخليه فالسينية

بعد ذلك نحط حبات السينابون في صحن ونسقسيها بشكولاتة الطلي مخففة بالزيت او الماء ونزينو بلوز ايفيلي

فالاخير شكل السينابون رولز ذوق الشكولاتة جاء بزاف خفيف ومشرب قدمتو في قهوة العصر