نأخذ البصلة والثوم نقطعهم ونضيفلهم التوابل والزيت والزبدة ونحط لفخاذ والمعدنوس ونخلط ونخليهم يتشربو شوية التوابل ثم نحطهم يتقلاو مليح ونضيف الحمص (درتو فكيس وثقبتو) ونخليهم شوية على نار قليلة(نقدر نخليهم ليلة كاملة فالثلاجة او 1 ساعة) ثم نمرق بماء سخون ونخليهم حتى يطيبو لفخاذ ونحيهم ونحطهم في بلاطو وندهنهم بالزبدة وندخلهم الفرن يتحمرو والصلصة نحي منها الحمص ونصفيها مالبصل ونرجع الحمص ونخليها بجهة(نقدر نضيف شوية كريمة)

ناخذ صدر الدجاج نرحيه ونضيفلو التوابل والزبدة وقليل من الماء ونعجن حتى تتجانس كامل التوابل نحي شوية نخليها بجهة والباقي ونحلها فوق ورق طبخ (مدهون بزيت) نحل مستطيل وندير حربوش جبن ونرولي ونديرو فورق شفاف ونضغط عالجوانب ونحطو يفور حوالي 1 ساعة ثم نحيلو الورق ونحمرو في شوية زبدة وزيت ونقطعو شرائح سمكهم حسب الرغبة ونحطهم في صحن مع الصلصة والحمص ومعدنوس وقطعة ليمون

نأخذ باقي صدر الدجاج ونضيفلو فلفل مرحي وقليل من فلفل احمر مدخن ونخلط الكل ثم نحط شوية فوق كيس ونحط وسطه عود شواء وندير فوق كيس ونضغط بكوبات حتى نتحصل على بروشات نحطهم فوق بانينوز او مقلاة مدهونة بزيت ونطيبهم وقبل ما يطيبو مليح ندهنهم بالماء المدخن ثم نقدمهم مع لفخاذ (درت شكل صحن صغير بالالمنيوم وحطيت ملح ثم الكول وشعلتها باه جي منظر جميل)