نبدا بسم الله ونجيب حبة باذنجان نغسلها ونقشرها ثم نقطعها إلى مربعات صغيرة ونحطها في كسكاس ونضيف عليها رشة ملح

نحط الكسكاس فوق حمام مائي ونخلي الباذنجان يطيب جيدا وبعد ماطاب جيدا نحطو في صحن ونمعسو بالشوكة جيدا حتى يترحى مليح ثم نضيف عليه بقدونس مقطع وملح وفلفل اسود وم ص بابريكا حلوة و3فص ثوم ونخلط جيدا ثم نضيف القليل من لحم دجاج طايب مفتت ونضيف عليهم 3م ك شابلير

نخلط جيدا حتى نتحصل على عجينة طرية نوعا ما ثم نجيب مقلاة نحط فيها زيت يسخن جيدا ثم نشكل كروكات ونحطها فالزيت تتقلى

نكمل كامل الكمية ونحمرها عالجهتين ثم نحط ورق ماص ونحط عليه الكروكات تتشرب من الزيت

بعد ذلك نحضر صلصة الطماطم نحطها في مقلاة نضيف عليها بقدونس مقطع و2فص ثوم ونضيف كاس ماء ونخليها تنضج جيدا ثم نفرغها في صحن

في الاخير نحط كروكات الباذنجان فوق صلصة الطماطم ونزينها بقدونس مقطع قدمتها مع خبز الخضروات وسلطة