منبرش البصلة ومنضيفها فوق الخل ومننقع فيون الستيك عالقليلة اربع ساعات

بعد مرور اربع ساعات منشيلها من الخليط ومنتركها تصفي شوي بعدين منضيف ملح وفلفل وزيت الزيتون ومنحطها على الشواية

ع نار عالية شوي ومنقلبها كل شوي بهالاثناء منقشر البطاطا ومنقطعا دوائر كبيرة وسميكة ومنحط البطاطا عالنار بطنجرة فيها مي وملح ومنتركا لحتو تنسلق تمام

بس استوت منشيلها منصفيها من المي منيح ومنضيف عليها الزبدة والحليب ورشة ملح ومنخلطون منيح لحتى يتجانسو كلياتون وبهيك بتكون جاهزة

الخضار بقطعون مو كتير سماك ومو كتير رفاع بحطون بمصفاية وبحط طنجرة مي عالنار وبس تغلي بحط لمصفاية فوقها بحيث ان تكون الطنجرة اصغر من المصفاية

بغطي المصفاية بغطا الطنجرة وبسويون عالبخار بيضل فيون قرشة وطعمتون اطيب

وبس الستيك يستوي بدهنو بكل وجه بالصوص يلي عنا وبقلبو تقليبتين عالنار وبس

منحط الستيك بصحن التقديم ومنضيف جمبو شوية بطاطا وشوية خضار وسلطة اذا بتحبو وصحتين والف هنا يارب بتمنى تعجبكم 🌺