إفتح في تطبيق كوكبادالخطوات
- 1
نبتدى بغسل اللحمه و وضعها فالخل لمدة نصف ساعه بعدها ندهنها بملح و كسبره ناشفه
- 2
نسخن طاسه تيفال جامد و ندهنها بالزيت بس نقطه عشان اللحمه متلزقش و بعد مالطاسه تسخن قوى نحط اللحمه هتاخد shock و نحمرها على الجانبين
- 3
ناخد بالنا منشفش اللحمه
- 4
فى اثناء تحمير اللحمه نجيب حله و نحط فيها المياه المغليه و بصله و توابل السلق المذكوره فالمكونات + الملح حسب الرغبه
- 5
اول ماتغلى المياه نضح اللحمه و نوطى عليها ونسيبها ساعه و نصف الى ساعتين حسب استواء اللحمه
- 6
لتحضير صلصة الخل و التوم: فى أناء نضع السمنه و اول متتحمر نحط التوم و نقلب
- 7
لما التوم يقلب لونه دهبى نحط الخل و بعدين الطماطم و التوابل ، نوطى النار لما تغلى و نسبيها لحد ما تتسبك
- 8
لعمل الارز؛ بالطريقه العاديه ارز ابيض (نسخن السمنه بعدين نحط الارز و نقلبه و بعدها نحط المياه المغليه و الملح ، اول مالارز يشرب المياه نوطى عليه و نسيبه يستوى)
- 9
او ارز بالشعريه (نضع السمنه و بعدين الشعريه تتحمر و لما لونها يبقى دهبى نحط الارز و نقلبهم سوا و بعدين المياه و الملح و نسيبه لما يشرب المياه نوطى عليه و نسيبه يستوى)
- 10
نصيحه للارز: الرز المظبوط معيار الميه يبقى بالظبط مغطى الارز فالحله مش اكتر ولا اقل
- 11
العيش المحمص: نسخن الفرن فى درجة حراره ٢٠٠ و نجيب العيش نقطعه مكعبات صغيره و ندهن الصنيه زيت و نحط العيش بعدها ندخله الفرن
- 12
نقلب العيش كل شويه لحد مايتحمص بس ناخد الحذر انه ميجمدش و نطلعه
- 13
اللحمه بعد ماتستوى نجيب سنية فرن صغيره و ندهن صلصه من اللى عملناها و بعدين نضع اللحمه و ندهنها صلصه و ندخلها تحت الشوايه ٣ دقائق تحمر
- 14
للتقديم فالطبق : نضع العيش و نسقى فوقه شوربه من سلق اللحمه بس كميه صغيره جداً عشان العيش يطرى بعدها الارز بعدها صلصه و بعدين اللحمه فوق زى الصوره
- 15
و بالهنا و الشفا
كلمات ذات صلة
وصفات مشابهة
وصفات ننصحك بمشاهدتها
التعليقات