يتم اولا تحضير الشربات بوضع الماء مع السكر على النار مع التقليب المستمر بمجرد ذوبان السكر نعصر النص ليمونة عليهم ويترك على النار يغلى لمدة دقيقتين ثم نضع الفانيليا ونقفل عليه مباشرة ويوضع الشربات على جمب ليبرد ونبدأ في عمل الكيكة نفسها

نقوم بتسخين الفرن على درجة ١٨٠ درجة

نقوم بخلط كل مكونات الكيكة بالمضرب الكهربائي

حنلاحظ بعد ضرب مكونات الكيكة ان قوامها تقيل فلو حابين نستخدمها ككيكة جوز الهند ومش حنضفلها شربات بعدين بنقوم باضافة مزيد من اللبن لغاية الحصول على قوام يشبه قوام الكيكة العادية اما لو حنستخدمها ككيكة روانى لا نضيف اى لبن اضافى

نكون مجهزين صينية مبطنه مقاس ٢٦ بسمنة ودقيق وتوضع في الفرن لمده ساعة الا ربع لغايه ما تستوى وتتحمر

بمجرد ما تخرج الكيكة من الفرن يوضع عليها الشربات البارد ونضيف الشربات بالتدريج ونلاحظ كل ما الكيكة تشرب الشربات نضيف كمية اخرى لغايه لما نلاحظ ان الكيكة مش بتشرب الشربات خلاص فنوقف اضافة الشربات

نقوم برش جوز هند على الوجه

نقوم بتغطيه الكيكة ونتركها تبرد تماما قبل التقطيع وخطوة تغطيتها مهمه علشان اتأكد ان الكيكة شربت كل الشربات وتحافظ على طراوتها

وبالهناء والشفاء 😘