عيش فينو أسمر
الطريقة ديه بالدقيق الاسمر بالكامل من غير اى اضافة للدقيق الابيض
الطريقة ديه بتاعت اختى حبيبتى قالتلى عليها وبجد وصفة هايله حتعجبكم جدا
عيش فينو أسمر
الطريقة ديه بالدقيق الاسمر بالكامل من غير اى اضافة للدقيق الابيض
الطريقة ديه بتاعت اختى حبيبتى قالتلى عليها وبجد وصفة هايله حتعجبكم جدا
إفتح في تطبيق كوكبادالخطوات
- 1
ملحوظة كمية العيش اللى في الصورة ده نتيجة نصف المقادير السابقة
- 2
اولا نحضر كوب نضع فيه الخميرة والسكر وقليل من الماء الدافئ وتقلب وتترك جانبا لتتفاعل الخميرة
- 3
في طبق اخر نضع الدقيق والملح والمحسن
- 4
بعد ما نلاحظ الخميرة بدأت تتفاعل نضعها على خليط الدقيق
- 5
ننزل بالماء الدافئ بالتدريج وكمية الماء الدافئ غير محددة لان انواع الدقيق الاسمر بتختلف فما اقدرش احددلكم كمية الماء المناسب
- 6
نضع الزيت ونستكمل عجن لمدة على الاقل عشر دقائق
- 7
المفروض قوام العجينة يكون طرى وليس ناشف
- 8
نضع العجينة لتخمر لمدة ساعة الا ربع
- 9
نقوم بتقطيع العجينة لكور ونترك الكور على جنب لمدة ١٠ دقائق مع تغطيتها
- 10
نقوم بفرد كل كرة باليد على شكل مستطيل ونقوم بلفها على شكل رول مع تقفيل الاطراف جيدا ووضع الاطراف اللى قفلناها لتحت
- 11
نضع الفينو في صينية مدهونه زيت على مسافات متباعدة وتترك لتخمر لمدة نصف ساعة
- 12
يمكن عمل شكل في الفينو باستخدام المقص او السكينة كما بالصورة
- 13
نشغل الفرن على درجة ٢٠٠ ونضع العيش فيه لغاية ما يحمر من تحت وفوق
- 14
بمجرد خروجه من الفرن نكون مجهزين كوب بيه ماء من الحنفيه وفرشاة ونقوم بدهن العيش بالماء بمجرد خروجه علشان احافظ على طراوته ووشه يفضل طرى
- 15
نضع العيش في كيس او علبه محكمة الغلق واسيبه حتى يبرد تماما
- 16
الطريقة سهلة وممتازة وتنفع للى بيعملوا دايت ومش لاقيين العيش الاسمر
- 17
نفس الطريقة يمكن عملها على شكل توست بدلا من الفينو
- 18
وبالهناء والشفاء 😘
كلمات ذات صلة
وصفات مشابهة
وصفات ننصحك بمشاهدتها
التعليقات