دجاج كنتاكي ستريبس مع ريزو
دجاج كنتاكي ستريبس مع ريزو
إفتح في تطبيق كوكبادالخطوات
- 1
نخلط كل مقادير التتبيلة مع بعض وننقع الفراخ فيها من قبلها بيوم او عالاقل ٨ ساعات ، بعدين نحضر حلة ضيقة وعميقة عشان نقلي فيها والزيت يكون مغطي الفراخ.
- 2
نخلط مقادير الكرسبي ونأخد قطعة الفرخة ونحاول منفضهاش من التتبيلة وندحرجها في الدقيق بخفة منضغطش عليها (خمس لفات سبعة بالكتير) عشان الدقيق اللي لزق ميرجعش يقع
- 3
بعدين ننزل في زيت غزير ساخن على نار عالية مجرد تبقى اصفر فاتح نهدي النار متوسطة الي هادئة ، اول ما تبقى دهبي فاتح أخرجها من الزيت عشان هقليها على مرتين (عشان تبقى مستوية كويس وفي نفس الوقت تبقى دهبي جميل مش غامقة)
- 4
اسيبها على جنب في طبق لحد ما اخلص قلي كل الفراخ ، بعدين ارجع انزل تاني بالفراخ المتحمرة فاتح مرة كمان لحد ما تبقى دهبي جميل.
- 5
💖أرز الريزو : نغسل الرز وننقعه خمس دقائق لحد ما نشوح البصل في شويه زيت مجرد تتدبل بس نروح نزلين بالرز والملح ونقلبه كويس وبعدين الباربيكيو والكاتشب والكركم ، ونقلب كويس ونشوحهم ،
- 6
وبعدين ننزل بالمية السخنة ، تغطي وش الرز بارتفاع عقلة اصبع ونقلب ، ونسيبها على نار متوسطة والغطا مفتوح ، لحد ما مستوى المية يبقى على سطح الرز بالظبط نروح مقلبين وبعدين نغطي الحلة ونهدي النار خالص.
- 7
وبعدين بكمل تحمير الرز عادة مش بقلبه خالص الا قبل ما يستوي بخمس دقائق ، لكن مع الرز ده وأي رز فيه صلصه او طماطم ، بيتقلب اول منزل بالمية وفي نصف التسوية
- 8
🎆ملحوظة ١. قلي الفراخ على مرتين بيخليها مقرمشة ومستوية من جوه كويس من غير ما لونها يغمق ، لأني أما بطلعها اول مرة الحرارة الداخلية بتفضل مستمرة وبتسويها
جرّبت هذه الوصفة؟ شارك كوكسناب!
دع الطبّاخ (Nelly Taha (Lily يرى نتيجة تجربتك لوصفته.
لا شيء يعبّر عن الشكر لصاحب الوصفة أكثر من صورة تجربتك!
جرّب أحد الطبّاخين وصفتك وأرسل لك صورة الطبق كوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات