منغسل الفول ومنصفيه.. بطنجرة ع النار منحمس اللحمة بالسمنة وشوية ملح وبعدها منضيف الفول ومكعبات المرق منحرك شوي ومنغمرن بمي ساخنة ومنتركهن يغلو ع نار هادئة لحتى يستوي الفول بدون ما نغطي الطنجرة

بعد ما يستوي الفول منضيف الرز طبعاً بكون منقوع ومغسول واذا كان بحاجة لمي منضيف بس تكون ساخنة ومنغطي الطنجرة ومنتركهم حتى يستوي الرز.. يقدم ساخن ♨ مع سلطة خضر او سلطة لبن وخيار.. بالعافية 😊