ممكن استعمال الكنافه الخشنه (العثمليه) عن طريق طحنها بمطحنة اللحمه ناعمه جدا جدا و اخر شي بنفركها بالزبده السايحه

اذا متوفر الكنافه الناعمه لاداعي لفركها بالزبده ندهن الصينيه المستعمله بالزبده جيدا و فرد عليها عجينة الكنافه و نضغط عالعجينه جيدا لنجعلها متماسكه و مستويه

الجبنه لازم من قبل بيوم تتقطع شرائح صغيره سميكه و تنقع بالماء و لازم عطول نغيرلها ميتها ليروح الملح منها

للقطر ٤ كوب سكر ٢ ماء نضعهم على الغاز بس يدوب السكر و يغلي ١٠ دقائق او حسب ماتشوفيه مناسب بنطفي تحته و بنعصر عصرة حامض صغيره و بس يبرد القطر بنحط ملعقتين ماء زهر كبار

نضع صينية الكنافه بالفرن على حراره متوسطه لنلاحظ احمرار الاطراف بس نلاحظ هالشي بنطلعها و بنوزع عليها الجبنه بعد مانكون صفيناها كتيييييير منيح من المي

بنرجعها دقايق من تحت و بنرجع بنقلبها بصنيه اكبر حجم و بنفوتها عالفرن لتسوح الجبنه بس نطلعا بنسكب القطر عليها و بنزينها بالفستق الحلبي و صحتين و هنا ❤️❤️❤️