القطر متل العاده بنحط السكر و المي ليغلي و يدوب السكر و بس يسمك شوي بنطفي و بنعصر شوية حامض و بس يبرد بنحط ملعقة ماء زهر

البسبوسه : بنخلط جميع المكونات الجافه مع بعض بنرجع بنحط المواد السائل و بنخلط لنحصل عمزيج سميك سهل المد و بنقسمه قسمين

بنجيب اكبر صينيه بايركس بندهنها بشوية طحينه و بنفرد فوقها نص الخليط تبع البسبوسه

بهالوقت لازم نكون محضرين القشطه قبل بوقت لتبرد و نحطها فوق البسبوسه بارده طبعا بنحط كل مكونات القشطه الي قلتها مع بعض على النار لتتقل و تسمك و بس يصير هيك بنشيلها عن النار و بنحط ماء زهر ملعقة و بس تبرد بنحط علبه قشطة قيمر و بنحط شوي من الفستق الحلبي جوه

بنفرد القشطه فوق القسم الاول من البسبوسه و بنرجع بنحط الجزء الباقي من البسبوسه فوقها اذا سمك الخليط كتير فينا نضيف شوية ماء ليرجع لنفس القوام الاول ليسهل فردها لازم تتغطى القشطه كلها

بنجيب علبة القيمر و بنعمل خطوط عالصينيه و بنحط فستق حلبي عالوج

تخبز على حراره ١٨٠ و الوقت كل وحده حسب فرنها انا بتاخد معي من تحت ٣٠ دقيقه برجع بحمرها من فوق شوي

و بس تطلع عطول بشربها بالقطر و بغطيها و صحتين و هنا ❤️❤️❤️