تشيز كيك بالتوت
التشيز كيك من أحلى وأشيك الحلويات الى موجودة حوالينا وبنشتهيها كتير ومعظمنا بيحبها.
هقولكم طريقة سهله اوى ليها ويا رب تعجبكم 😍😘
تشيز كيك بالتوت
التشيز كيك من أحلى وأشيك الحلويات الى موجودة حوالينا وبنشتهيها كتير ومعظمنا بيحبها.
هقولكم طريقة سهله اوى ليها ويا رب تعجبكم 😍😘
إفتح في تطبيق كوكبادالخطوات
- 1
المقادير دى تكفى عمل صينية متوسطة
- 2
بنطحن البسكويت كويس جداً لحد ميبقاش فيه اى حتت كبيرة وبنضيفله الزبدة ونقلبهم احد ما يبقى مرمل ولو ضغطنا بايدينا يمسك
- 3
بنفرد البسكويت في قالب أو صينية الى بتتفك ونحطه في الثلاجة عشان يتماسك
- 4
في بولة بنحط الجبنه الكريمى و نقلبها او نضربها بالمضرب علشان تفك لو كانت متماسكة او لو كانت قطع تفك معانا و تبقى سائلة
- 5
في بولة تانيه بنضرب كريمة الحلويات على سرعة منخفضة لحد ما تتماسك ونضيف عليها السكر البودرة ونقلب بمعلقة
- 6
بنضيف خليط الكريمة على الجبنه الكريمى ونقلب عليهم كوباية الزبادي
- 7
بندوب معلقتين الجيلاتين في نص كوب ماء دافى ونضيفه لخليط الجبنه
- 8
بنطلع البسكوت من التلاجه ونضيف عليه خليط الجبنه وندخله التلاجه لمدة 4 ساعات
- 9
قبل ما نقدم التشيز كيك بنحط على وشها صوص التوت ونقطعها بالهنا و الوشفا.
- 10
ملاحظات: ١- ممكن تعمليها بأى طعم تحبيه او بالشيكولاته بس في الحاله دى بتستعملى زبادي نفس طعم الصوص بمعنى لو هتحطى صوص فراولة لنستخدم زبادي فراولة هتعمليها شيكولاته او كراميل يبقى زبادي سادة و هكذا
- 11
٢-ممكن تستعملى اى نوع جبنه كريمى سائلة في أكواب أو قطع أهم حاجه تكون بالقشطة و مش مملحه علشان في انواع بتتباع بالكيلو بتكون بالقشطة بس طعمها مالح
- 12
٣- لو بتحبى التشيز كيك سكرها زيادة زودى سكر بودرة على حسب ذوقك
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات (3)