رولات الزعتر الاخضر (زعتر ورق)
رولات الزعتر الاخضر (زعتر ورق)
إفتح في تطبيق كوكبادالخطوات
- 1
اولاً, بنغسل الزعتر منيح منيح وبنتأكد انه خالي من الشوائب والرمل.
- 2
بنعصره منيح كتير من المي وبنفرده على صينية واسعة وبنفرمه شوي بمفرمة الملوخية. انا بحب يكون ناعم لانه ما بحب طعم الزعتر يكون قوي, طبعاً حسب رغبتكم. بينفع ما تفرموه بالمرة.
- 3
بنحط الزعتر المفروم فوق الطحين وبنحط كاسة الزيت, وبنضل نحركهم مع بعض بالايد بحركات دائرية.
- 4
بنحط الخميرة والسكر والملح وبنكمل نفس الشي.
- 5
بعدها بنحط البيضة والياغورت، بينفع كاسة حليب بدال الياغورت.
- 6
بعد ما نخلطهم كلهم مع بعض, بنبدأ نعجن بمي فاترة, بنحطها بالتدريج وبنعجن لحد ما تطلع معنا عجينة متماسكة. بنخليها مغطية عبال ما تخمر.
- 7
بعد ما خمرت العجينة, بنقطعها لكرات متوسطة. وكل كرة بنرقها بالشوبك لحتى تصير دائرة منيحة. وبنقصها 8 مثلثات متل البيتزا.
- 8
بنمسك المثلث من القاعدة وبنلفه لجوا وبيطلع معنا شكل الرولات.
- 9
بينفع قلي وبينفع بالفرن.
- 10
وكمان بتقدورا تحشوه جبنة بيضا,بيطلع زاكي.
- 11
صحة وهنا.
الكوكسناب
كلمات ذات صلة
وصفات مشابهة
وصفات ننصحك بمشاهدتها
التعليقات