في حله متوسطه, بنضيف نصفها مياه، بصله و توابل الشوربه و نسيبها على نار عاليه حتى الغليان.

في وعاء بلاستيك, نحط اللحمه و نغسلها و بعدين نحط عليها خل و ليمون.

في لحظة غليان المياه, تٌوضع اللحمه و نغطى الحله و نوطي النار.

نسيب اللحمه الى مايقرب من ساعه على حسب نوعها و سنها او الى السواء.

تٌغسل الباميه جيداً.

بعد غسيل الطماطم جيداً, نضربها في الخلاط و نحضر عصير الطماطم.

نقطع البصله الى قطع صغيره.

في حله متوسطه على نار هادئه, نحط ملعقه السمنه و قطع البصل الصغيره مع اللحمه (بعد السواء) و التوم، الملح ، بابريكا و فلفل اسود و نقلبهم الى ان تصفر البصله.

بعد اصفرار لون البصله, نضيف عصير الطماطم و ملعقة الصلصه مع اضافة ملعقة السكر و نسيبها الى ان تغلي.

عند الغليان, نضيف الباميه و نوطى النار الى ان تستوي.

تٌقدم مع الارز بالشعريه و بالهنا و الشفا.

ملحوظه: انا بستخدم حلة الضغط للحمه بتسويها بسرعه و بتخليها طريه و جميله.