صينية بطاطس بوريه باللحمة المفرومة
صينية بطاطس بوريه باللحمة المفرومة
إفتح في تطبيق كوكبادالخطوات
- 1
بحط البطاطس تتسلق في ميه وملح على النار وبعد ما تكون بقت طرية على الاخر بطفي النار وانزلها واخليها تبرد
- 2
بعد ما تبرد ابدا اهرسها مع معلقتين سمنه او زبدة و توابل ملح وفلفل وكمون وزعتر وقرفة وزنجبيل واي توابل تحبيها تاني، بس لازم تهرسيها كويس وحطي عليها لبن وجبنه شيدر او نستو وقلبي كويس
- 3
في حلة صغيرة اقطع الجزر شرايح مش رفيعه اوي واضيف البسلة واسلقهم سوا مع شويه ملح
- 4
وف حلة تانية اجيب البصل واقطعه هلال وعليه معلقتين سمنة واسيبه على النار لغايت ما يتحمر وبعدين اضيف اللحم وعليه التوابل بتاعتي الملح والفلفل والكمون بس وبعدها انزل بالجزر والبسلة ومعلقتين صلصة طماطم (اختياري)
- 5
اجيب صينية واحط فيها شوية بقسماط مطحون من تحت واوزعه على الصينية كلها، بعدين احط طبقة بطاطس واوزعها بايدي، وعليها اللحمة بالخضار كلها وبعدين عليهم طبقة البطاطس الاخيرة واساويها كويس بايدي
- 6
اخر خطوة هي البيض، اضرب بيضتين في كوباية مثلا وعليهم نص ملعقة سمنة وملح وفلفل واحطها على الوش وادخلها الفرنة من 15 ل 20 دقيقة لحد ما وشها يحمر، وكلوها مع السلطات والمخللات بالف هنا يارب وادعولي دعوه بالستر والصحة والتوفيق يارب ولكم بالمثل
كلمات ذات صلة
وصفات مشابهة
وصفات ننصحك بمشاهدتها
التعليقات