في حلة نضع زيت بكمية كبيرة نسبيا.

نضع المكرونة في الزيت بعد ما يسخن كويس.

بمجرد ما تبدأ تاخذ لون ننزل بالشعيرية علشان تتحمر مع المكرونه بعد تحميرهم اشيلهم من النار.

في نفس الحلة بانزل بالبصلة الكبيرة بعد تقطيعها لشرايح رفيعه

نضع على البصلة اثناء التحمير ملعقة صغيرة ملح ابيض ومعلقة صغيرة كزبرة

نستمر في تقليب البصل على نار متوسطة لغاية لما يتحمر كويس ونشيله من على النار على مناديل مطبخ علشان نتخلص من اى زيت زيادة فيه

في الحلة بعد شيل البصل ننزل بالعدس بجبه ونحمره في الزيت شوية ونحطله ماء ساخن كميه تغطيه ونوطى عليه ونسيبه يستوى مع وضع ايضا قليل من الكسبرة المطحونه والكمون

بعد التاكد من تسوية العدس وتشربه للميه اللى فيه نضع عليه الارز بعد غسله ويقلب على النار مع العدس ثم ننزل بالمكرونه والشعرية وقليل من البصل المتحمر ونضع ملح وفلفل اسود وقليل من الكمون والكسبرة الناشفة

نضع ماء ساخن كميه كتسوية الارز العادى

بعد ما يشرب الكشرى الميه نوطى النار خالص ونسيبه يكمل السوى

جربوه حيعجبكم باذن الله 😀