نضع كل المقادير الناشفة مع بعض ومنخلطن كلهن مع بعض وبعدين منعمل حفرة ومنحط البيضة داخل الحفرة ومننضيف السمن والحليب انا حطيت السمنة مع الحليب ودفيتهن مع بعض ومنعجن كويس لحد ما يصير عنا عجينة متماسكة وناعمة ومنتركها تختمر نص ساعة أو أكتر على حسب حرارة الغرفة عندك.

بعد ما تخمر بترقيها بسماكة واحد سنتم، ومنقطعها بشكل دوائر وبقالب أصغر منقطع القلب وانا استعملت غطا الكولا.

منرش بالصينة رشة طحين ومنحط الدونات ومنغطيا ومنتركا تختمر مرة تانية.

نقلي الدونات بزيت غزير وساخن ونغمسها بصوص السكر أو صوص الشوكولا.