بسلق العدس المجروش سلق كامل مع الكربونه. بس يستوي, بملّح وبزيد رشة كمون و فلفل.

وبضيف الملوخية الناشفه, هون حطيت كاستين عدس عليهم نص كاسة ملوخية ناشفه و الماء و مرق الدجاج.

بحضر توم مقشر على محضرة الطعام بفرمه, وبقليه مع زيت زيتون على النار. وبحط شوي منه مع الطبخه وهي على النار.

بطفي وبسكبه بصحون وبحط باقي التوم المقلي على الوجه.

وصحتين, طبعا تتقدم مع الزيتون والفلفل الأحمر (شطه) ومخللات وبصل وكل هاي الشغلات فواتح الشهيه.