بواسطة سكين طويل وحاد ، منقطع رأس حبّة الأناناس بهالشّكل، ومن بعدا منقطع أسفلا. ممكن نحتفظ برأس الأناناس لتزيين طبق سلطة الفواكه.

منمسك حبّة الأناناس بالطّول ومنبدأ بتقشيرها من الأعلى للأسفل بهالشكل. منحاول إنه نرقق القشرة حتى ما نخسر كمية كبيرة من الأناناس.

منتخلّص من عيون الأناناس المتبقية بالسكين بهالطريقة.

بعد تقشير الأناناس، رح نقطّعه بطريقتين. بالطريقة الأولى، منقطع الأناناس بالطول لنصفين ومن بعدا منقطع كل نصف بالطّول. منتخلّص من لب الأناناس الصلب بهالشكل.

منقطّع الأناناس لمربعات صغيرة.

بالطريقة الثانية، منقطّع الأناناس بالعرض لدواير.

بواسطة السكين أو قطّاعة الكوكيز ، منقطع بوسط كل دائرة لنتخلّص من الّلب.