نعجن عجينة الفطاير بكشك وزعتر اخضر لحال وعجينة الفطاير ببصل لحال

عجينة فطائر بكشك وزعتر اخضر: نص كيلو طحين وماء وملح ورشة سكر وزيت نباتي بنعجنون كتير منيح وبنقطعون لقطع فورا وبنحطون على صينية مرشوش عليها طحين ونشاء (طحين الذرة) لمدة ٣ ساعات حتى ترتاح العجينة

عجينة فطائر ببصل: نص كيلو طحين و كاسة حليب وماء وظرف خميرة وملح وزيت نباتي بنعجنون منيح وبنسكر عليهم بكيس نايلون وبنتركها حتى تنفخ العجينة

بعد ما ترتاح عجينة الفطائر بكشك وزعتر اخضر نضع على رخام نظيف كل قطعة بعد ان نبلل يدينا بالزيت النباتي و نفردها الى دائرة كبيرة ثم تحشى و تلف ثم توضع في صينية الخبزالمدهونة زيت نباتي ثم ترق لتتوسع الدائرة المشكلة

بعد ما تنفخ عجينة الفطائر ببصل ندهن صينية اخرى بزيت نباتي ونقطع العجينة لدوائر ثم تفرد كل فطعة وبوضع فوقها خلطة البصل

ملاحظات: يحمى الفرن قبل ان توضع اول صينية بتلت ساعة

لا توضع الصينية في الفرن على النار مباشرة وانما على اول رف من تحت ويحمى الفرن من تحت ثم من فوق وليس معا

بعد احمرار العجينة من تحت ننقل العجينة الى الرف الاول من الفرن لتحمير وجهها قليلا

يمكن استخدام عجينة الفطائر ببصل للفطائر بزعتر اخضر ايضا والبيتزا والجبنة وصحتين وهنا