تحضير الطبقة الأولى: نطحن البسكوت ناعم جداً ثم نذوب الزبدة ونضعها على البسكوت ونخلطهم مع بعض ونرصها في قاع الجاط ونضعها في الثلاجة

الطبقة الثانية: نضع اللبن والحليب والسكر في الخلاط قبل ما نشغل الخلاط بنحركهم شوي حتى ما يكتلو ومنخفقهم منيح بعد ما نخفقهم بتكون طبقة البسكويت جمدت شوي بنحط الخليط فوقها وبنسكبو ب هدوء حتى البسكوت ما يطلع ل فوق وبنحطو بالفرن محمى مسبقا حتى تجمد الطبقة الثانية بدها تقريبا شي ربع ساعة حسب الفرن بس كل شوي نفقدها حتى ما تنحرق

هاي صورتها بعد ما طلعتها من الفرن

الطبقة الثالثة: بنحط الكريم كراميل والنسكافية والكاكاو والمي على النار وبنضل نحرك فيهم ل حتى يجمد بس يبلش يجمد بنخلي يغلي شوي وبعدين بنسكبو فوق الطبقة الثانية

بنخلي بره شوي ليبرد شوي وبعدين بنحطو في الثلاجة لحتى يجمد تماما ويزين ب المكسرات الى بتحبوها وصحة وعافية