اول طبقة سكر مكرمل ،، يا بتفرغي كمية منيحة من سكر الكريم كراميل الجاهز بقاع القالب او بتكرملي كاسه سكر على النار..

الطبقة التانيه بتحطي على النار لتر حليب سائل(4 كوب تقريبا) مع ٢ باكيت كريم كراميل بودرة و بتحركيهم ليغلوا ،، بس يغلوا شيليهم و ديريهم بالقالب..

الطبقة التالته اي كيكة شوكولاته معتمديتها بامكانك كيك جاهز و بامكانك تعملي انت ،، وصفتي هون : كاسه سكر ، كاسة ماء ، كاسة زيت ، 4 معالق كبار حليب بودرة ، 4 معالق كبار كاكاو بودرة ، بيضتين ، رشه فانيلا و كله بالخلاط الطويل ليتجانس منيح ، بعدها بديرهم على كاسه و نص طحين منخل مع ملعقة ونص كبيرة بايكينغ باودر ،، بخلط منيح و بديرهم بالقالب فوق الكريم كراميل و عادي رح يختلطوا سوا كلهم ،،

بحط القالب بقالب تاني اكبر منه و بعبي القالب التاني ماء (حمام مائي) وعالفرن ساعه كامله عدرجة ١٨٠ و بعدها عالتلاجه ٦-8 ساعات ،،
بعملها قبل بليلة انا ،، و صحة و عافية 💕