تورتة الرافييلو
تورتة الرافييلو
إفتح في تطبيق كوكبادالخطوات
- 1
بنفصل الصفار عن البياض و بنخفق البياض مع رشة ملح منيح لحد ما يتقل قوامه بعدها بضيف سكر بودرة و بضل اخفق مده طويلة ليتقل ويصير بقوام كريمي
- 2
عجنب بحرك الصفار مع فانيلا ليتمزج منيح
- 3
بعدها بصب الصفار عالبياض و بقلبهم بمعلقة طرية تقليب بهدوء و عالخفيف ،، بعدها بنزل لوز مطحون ناعم و بقلبه معهم وكله بهدوء لنحافظ عقوام الكيك الكريمي
- 4
بعدها بنزل طحين و بقلبه معهم ،، بنزل الخليط بكون تقيل نوعا ما بقالب مبطن بورق زبده و بالفرن درجه ١٧٠ بدها ساعه الا ربع تقريبا حسب حماوة فرنك تفقديها انتي
- 5
بهالوقت بجهز الحشو ، بدوب شوكلاته بيضا مع ٣ معالق كبار حليب جوز الهند بحمام مائي عالنار
- 6
بس يدوبو منيح بخلط جبن كريمي وبنزل عليه خليط الشوكلاته وبخفقهم منيح منيح ،، بعدها بخفق كريمه خفق مع سكر بودره و معلقة حليب جوز الهند ليصيرو بقوام كريمة
- 7
بنزل الكريمه عخليط الشوكلاته وبقلبهم ، بعدها بنزل جوز هند مطحون ناعم و بقلبه معهم
- 8
بس تطلع الكيكة بقطعها ٣ اقسام و بحط اول قسم و بشربه حليب جوز الهند و بحط جزء من الحشوه و بعدها الطبقة التانيه فوقها بشربها و برد بحط جزء من الحشوة و هيك لتخلص الطبقات
- 9
بدهنها من برا بالحشوه و بغطيها بجوز هند مطحون و بزينها بلوز و كرات رافييلو و عالتلاجه ٤ ساعات لتمسك قوامها منيح و صحتين و عافية ❤
- 10
اذا الحشوة مو كتير جامده حطيها بالفريز شوي لتعرفي تشتغلي فيها
جرّبت هذه الوصفة؟ شارك كوكسناب!
دع الطبّاخ دعــاء الكيـّالـي يرى نتيجة تجربتك لوصفته.
لا شيء يعبّر عن الشكر لصاحب الوصفة أكثر من صورة تجربتك!
جرّب أحد الطبّاخين وصفتك وأرسل لك صورة الطبق كوكسناب
وصفات مشابهة
وصفات ننصحك بمشاهدتها
التعليقات